முதல் காதல் 

உன் பெயர்
தமிழ் என்பதால்
உன்னை நேசித்தேனா?
அல்லது
உன் பெயர்
தமிழ் என்பதால்
தமிழை நேசித்தானா?

மீசை முளைக்கும்
முன்னே காதல்
முளைத்தது

நீ வசிக்கும் தெருவை
நான் நடந்த தூரம்
அளந்து பார்த்தால்
சஹாரா பாலைவனம்
சற்று அதிர்ந்து போகும்

கல்லூரியின்
ஒரு விடுமுறை நாளில்
நான், நீ
உன் அழகுக்கு பொருந்தாத கணவன்
சந்தித்துக் கொண்டோம்
நீ பேசவில்லை
தலைகவிழ்ந்து கொண்டாய்

கடமை முடிந்ததாய்
கர்வப்படும் உன் அப்பாவிடம்
சொல்
சராசரி இந்திய அப்பாக்களில்
அவரும் ஒருவர் என்பதை...